Oppstart av detaljregulering for Lindås gravplass
Vi varslar med dette oppstart av detaljreguleringsplan for Lindås gravplass nedre, gardsnummer 108, bruksnummer 627 i Lindås tettstad.
Føremålet med reguleringsplanen er å detaljregulere arealet på gards- og bruksnummer 108/627 og 586 til utviding av den nedre gravplassen på Lindås til grav og urnelund med prosesjonsveg mot kyrkje i sør og vegtilkomst frå Kolåsvegen.
Eigedomane gbnr 108/627, 586 er i overordna plan avsett til grav og urnelund. Gbnr 108/36 er avsett til bustad, medan resterande areal ligg som blågrøn struktur. Planområdet er om lag 44 daa og omfattar i hovudsak arealet mellom Lindåsvegen i sørvest, Fonnebustvegen i aust og Kolåsvegen i nord.
Planområdet er i dag omfatta av detaljreguleringsplanen for Reguleringsplan for Riksveg 568 gjennom Lindås tettstad (supplert av KDP Lindås) og Detaljregulering for Fv.57 med gang-og sykkelveg Lindås tettstad –Mongstad.
Forslagsstillar for planarbeidet er Alver kommune. Plankonsulent er ABO Plan & Arkitektur AS.
Grunneigarar og naboar vert varsla direkte med brev.
Les dokumenta her
- Varslingsbrev - oppstart Lindås gravplass_12.06.2023.pdf
- Vedlegg 1_Plangrense oppstart_Lindås gravplass_22.05.2023.pdf
- Vedlegg 2_Planinitiativ Lindås gravplass_22.03.2023.pdf
- Vedlegg 3_Notat - Vegløysing Lindås gravplass_22.03.2023.pdf
- Vedlegg 4_Referat oppstartsmøte Lindås gravplass.pdf
Slik kan du komme med innspel
Har du innspel til oppstart av arbeidet, kan du sende det til ABO Plan & Arkitektur AS på:
- Adresse: Pb. 291, 5203 Os, eller
- E-post: offentligettersyn@abo-ark.no
Frist for å komme med merknad til oppstart er 9. august 2023.