Global oppvarming som følgje av menneskeskapte drivhuseffekt er den største miljøutfordringa verda står ovanfor. FN sitt klimapanel har på ein klar måte opplyst om dei menneskeskapte klimaendringane som har byrja og som vil koma framover. Dersom ein skal løysa desse utfordringane for framtida, må det iverksetjast tiltak på lokalt nivå som ein nasjonal dugnad.

Det er eit nasjonalt mål at alle kommunar no lagar ein klima-og energiplan. Kommunane spelar ei viktig rolle i arbeidet med energiomlegging, og for å nå Stortinget og FN sitt mål om reduksjon i klimagassutslepp. Kommunelova si § 1 seier at at kommunen skal bidra til ein berekraftig utvikling. Kommunane som har om lag 20% av dei nasjonale klimautsleppa knytta til si drift/verksemd må difor spela ei sentral rolle i landet si omlegging av energibruk og nasjonale klimagasskutt.  Energiomlegging og reduksjon i framtidige klimagassutslipp, vil samstundes vera avhengig av statlege og eksterne verkemidlar og tiltak for å oppnå større reduksjonar.

Radøy kommune har vedteke Kommunedelplan for klima og energi perioden 2010-2013.