Beskrivelse
Kommunen gir økonomisk rådgiving til dei som har betalingsproblem eller gjeldsproblem. Rådgivinga kan vere hjelp til å setje opp eit realistisk budsjett, men kan også vere forhandling med kreditorar og hjelp til å inngå ei gjeldsordningsavtale. Nav har òg oppretta ei landsdekkjande telefonteneste som skal gje ei enkel rettleiing (sjå lenka i brosjyrefeltet).
Målgruppe
Personar med økonomiske problem / gjeldsproblem
Vilkår
Du skal sjølv etter beste evne prøve å komme fram til ei ordning med fordringshavarane.
Veiledning
Kontakt kommunen dersom du treng hjelp til å styre din eigen økonomi eller dersom du har gjeldsproblem.
Vedlegg
Til det første møtet bør du ha med deg dette:
- Kopi av dei tre siste lønns-/trygde-/stønadsutbetalingane (sjekk om det er gjort trekk for dekking av gjeld på desse utbetalingane)
- Kopi av kvitteringar for utgiftspostar som blir vurderte som store, eller andre kvitteringar som det er grunn til å sjekke
- Kopi av likningsattest
- Kopi av skatteoppgjeret og utskrift av likninga for siste skatteåret
- Årsoppgåver (i samband med sjølvmeldinga) frå långivarane
- Årsoppgåver i samband med bidragsgjeld
- Ev. utleggsoppmodingar
- Ev. innkalling til forliksrådet
- Oversikt over pant som heftingar ved eigen bustad
- Oversikt over pant som heftingar ved eigen bil
Saksbehandling
Kommunen har plikt til å behandle saka så snart som råd.