Vel framme laga Alexander, som går i 10. klasse på ungdomsskulen, bål til oss. Han hadde arbeidsveka hjå oss.

Elevane hadde pølser og andre godsaker i sekken sin som dei grilla på bålet. I tillegg hadde me laga pinnebrød som me hadde med oss på turen. Til dessert laga me appelsinkake.

Det var eit spanande prosjekt som alle elevane var spente på. Alle hadde med seg kvar si appelsin som me skar toppen av og så skrapte me ut innhaldet. Deretter fylte me appelsina med sjokoladekakedeig, la på toppen igjen og pakka appelsina i aluminiumsfolie og deretter på bålet.  Etter ca. 15 min på bålet var det blitt til ei kake.

Når elevane hadde utforska kvernhusa og skogen, bar turen tilbake til skulen der me varma oss litt etter ein dag ute og deretter tok me ei velfortjent helg.