Vi er inne i adventstida, og har det travelt som vanleg er i desember. Mandag hadde vi andre adventssamling i gymsalen der 3. og 4. trinn framførte eit fint program om juletreet og den symbolske tydinga av pynten vi bruker på treet.

Seinare på dagen pynta medlemmane i elevrådet juletreet i gangen. 

Torsdag var det juleverkstad. På dei ulike stasjonane fekk elevane laga englar, juleøskjer og morsomme strømpenisser. Og så var det bakestasjonen då som er like populær kvart år. Pepparkaker vert dei aldri leie av.