Mest alle born ventar på den fyrste snøen, og elevane på Austebygd er ikkje noko unntak. Elevane nyt snøen som kjem dalande. Dei spar og grev snøholer, skreiar på baken og på brett.

Innandørs er det årets julehefte som vert arbeidd med. Elevane er kreative og aktive, skriv forteljingar, gåtar og vitsar, lagar fine teikningar og gler seg til å sjå juleheftet sitt ferdig. Årets juleverkstad, i grupper med små og store saman, som bakte, trykte, klippte og limte, resulterte i mange fine julegåver og var ei koseleg stund saman i førjulsstrida. Me gler oss allereie til neste veke med julegraut og kyrkjebesøk.