Skulemiljøutvalet (SMU) er det høgaste organet ved Radøy ungdomsskule. Etter Opplæringslova § 11-1a, er alle grunnskular pliktige til å opprette SMU. Lovpålegget har som føremål å sikre deltaking frå elevane, foreldra, skulen og dei tilsette i arbeidet med skulemiljøet.
I samsvar med Opplæringslova § 11-1 og §11-1a, har Radøy ungdomsskule valt å slå saman SMU og Samarbeidsutvalet (SU) under namnet Skulemiljøutvalet (SMU). Dette utvalet har såleis rett til å uttale seg i alle saker som gjeld skulen. Det skal vere sett saman av tre elevrepresentantar, tre foreldrerepresentantar, to representantar frå lærargruppa, ein frå andre tilsette og to frå kommunen (til vanleg ein frå kommunestyret + rektor). Ved Radøy ungdomsskule er SMU m.a. eit kvalitetssystem for elevane sitt psykososiale arbeidsmiljø.
Sist oppdatert: 19.11.2010