Radøy kommune er i gang med eit prosjekt som går ut på å få samla inn stadnamn frå alle gardar på Radøy for utlegging på internett. Alle namna skal plasserast på kartet i tenesta nordhordlandskart.no, og det skal lagast ei lydfil der den lokale uttalen av namnet kan høyrast.

Mellom andre Meland kommune har fullført si innsamling, og har kartfesta namna i Nordhordlandskartet. Sjå døme på stadnamn i Meland kommune i Nordhordlandskartet. De finn fleire stadnamn i kartet ved å velja karttype stadnamn til venstre, og deretter søkja inn på det området de er interessert i. Målestokken må vera mindre enn 5000.

I samband med dette prosjektet ynskjer me å koma i kontakt med folk som allereie har innsamla stadnamn som dei tidlegare ikkje har levert til kommunen, eller som har lyst å vera med å samla inn namn. Ta kontakt med Bente Kopperdal Hervik tlf. 56 34 90 12 for meir informasjon.

Me er interessert i innsamla namn frå alle gardar i kommunen, men ein del gardar er betre dekka enn andre. Nedanfor er ei liste over gardar med relativt få eller ingen innsamla namn.