Jorlaug Hellesund er 83 år. Ho har sidan 1950-talet drive med søndagsskule. Dette arbeidet held fram heilt til det ikkje var fleire born att i krinsen og søndagsskulen vart lagt ned. Det var i 2005. Jolaug har også vore med i styret for krinsen sitt bedehus i ei årrekkje og har lagt ned mykje arbeid der.

Jolaug har ”eit stort hjarta” og ei utruleg evne til å visa

omsorg for alle menneske. Særleg for dei eldre naboane sine. Fleire gonger i veka, år ut og år inn, har ho gått på besøk og sett etter at eldre, einsame naboar, har fått det dei treng både av mat og omsorg. Jolaug slit litt med eiga helse for tida, med det hindrar ikkje henne til å ringja rundt for å høyra om alt står bra til med naboane.

Jolaug  er ein ein person som ikkje stikk seg fram, men arbeider i ”det stille”.

Gunvor Grindheim har arbeidd for Frivilligsentralen sidan hausten 1992. Det var då Frivilligsentralen starta opp med middagskjøring. Gunvor kjørte Bø-ruta og har sidan vore ”fast frivillig” på denne ruta.

Ho var også aktivt med i prosjektet som Radøy LHL og Frivillisentralen hadde med stønad frå Helse og Rehab. Framleis er Gunvor aktivt med både i seniordansen, onsdagane på velferdssenteret og elles i det frivillige arbeidet. 

Me vil først og fremst framheva henne som ein god og stabil middagskjørar i alle desse 18 åra ho har kjørt.