I strålande vårvèr er det gøy å gjera noko saman. Samarbeid med SFO er viktig, og i dag laga me eit lite sporløp for alle. Gruppene var på tvers av alder, så alle som ville fekk vera med. På førehand har ein vaksen gøymt ark med sirklar, firkantar og trekantar på rundt omkring på barnehageområdet. Kvar gruppe trekkjer eit lite kort der det står kva form dei skal leita etter, og kor mange av den formen det skal vera på arket. No er det berre å leita. Det høyres kanskje lett ut, men den vaksne hadde vore lur og gøymt godt.......