Stillinga vart oppretta i januar 2000, med bakgrunn i ein auke av psykososiale vanskar blant born og unge. Stillinga er knytt til Radøy ungdomsskule, psykiatritenesta i Radøy og Radøy ungdomsklubb. 

Arbeidsoppgåvene er mange:

• jobbe aktivt saman med ungdomane for å skape gode, rusfrie møteplassar på fritida.
• jobbe saman med elevrådet for å skape gode og meiningsfylte friminutt-aktivitetar på skulen, med fokus på god trivsel for alle.
• vere kontaktperson for elevrådet.
• vere kontaktperson for ungdomsrådet.
• vere med i helseteamet ved skulen.
• vere koordinator for skulen sitt arbeid mot mobbing.
• vere ein ”ikkje-skulsk” vaksenperson i skulemiljøet – ein god samtalepartnar for elevar som slit med psykososiale vanskar og intrigar.
• vere ein nær samarbeidspartnar for sosiallærar, rektor og skulehelsesøster.