For å kunna røysta ved kommunestyre- og fylkestingsvalet 2011 må du stå i manntalet. For å kunna røysta ved sametingsvalet må du stå i Sametinget sitt manntal. Du kan finna ut om du står i manntalet i Radøy ved å kontrollera manntalslistene som er lagt ut til offentleg ettersyn på kultur- og sørvistorget på rådhuset på Manger og på biblioteket (sjå opningstider). Ordninga med å sjekka eiga manntallsoppføring på nett vert klar i veke 31.

Har du flytta frå kommunen og folkeregisteret utan at folkeregisteret har fått melding om dette innan 30. juni, står du framleis i manntalet i den kommunen du flytta frå.

Feil i manntalet?
Dersom du meiner at du sjølv eller andre uriktig er innført eller utelaten frå manntalet, kan du kreva at valstyret rettar opp feilen. Krav om retting gjeld i høve til feil, ikkje flyttingar etter 30. juni 2011. Krav om rettingar skal vera grunngjevne skriftleg og skal sendast Radøy kommune, Radøyvegen 1690, 5936 Manger.

Førehandsrøysting
I tida frå 10. august til 9. september kan ein førehandsrøysta på rådhuset på Manger. Alle som er førte i manntalet i Radøy kan også, som ein del av prosjekt e-val, røysta på internett. På valdagen 12. september kan du berre røysta i røystelokale i eigen kommune.

Tidlegrøysting
Dei som ikkje har høve til å stemme innanfor den ordinære førehandsstemmeperioden eller på valdagen, kan frå 1. juli til 9. august avgje tidlegstemme. Ønskjer du å stemme så tidlig, må du ta kontakt med Radøy kommune for å få informasjon om kvar og til kva tid stemmegjevinga kan skje. Radøy kommune har vallokalet på kultur- og sørvistorget i tidlegrøysteperioden.