Formålet med tilskott til nærings- og miljøtiltak i skogbruket er å stimulere til auka verdiskaping i skogbruket, samstundes som miljøverdiar knytt til biologisk mangfald, landskap, friluftsliv og kulturminne i skogen blir ivaretatt og vidareutvikla. Du kan søkje om desse tilskotta:

• tilskott til skogkultur
• tilskott til vegbygging
• tilskott til miljøtiltak i skog
• tilskott til utdrift av skogsvirke med taubane, hest, mv.
• tilskott til utdrift av skogsvirke til energiflis
• tilskott til andre aktivitetsfremjande tiltak i skogbruket

Skogeigarar som har meir enn 10 daa produktiv skog.

• Skogeigarar som har mindre enn 10 daa produktiv skog 
• Eigarar som har landbrukseigedommar utan produktiv skog 

kan få tilskott til utdrift av skogsvirke til energiflis og til andre aktivitetsfremjande tiltak (sjå feltet over).

Søknad om tilskott til skogkultur, vegbygging, miljøtiltak i skog eller utdrift av skogsvirke til energiflis skrivast på skjema utarbeidd av Landbruks- og matdepartementet. Ved søknad om tilskott til drift med taubane, hest, o.a., ta kontakt med Fylkesmannen for vidare informasjon. For andre tiltak i skogbruket, ta kontakt med kommunen.

Kommunen/Fylkesmannen har plikt til å behandle saka så snart som mogleg. Dersom saka ikkje kan avgjerast innan éin månad, skal du ha skriftleg svar om årsaka til det, med opplysningar om når ein ventar at vedtaket vil bli gjort.

Fylkesmannen gjer vedtak om tilskott til

• bygging av veg 
• tynning og drift av skogsvirke med taubane, hest o.a.
• utdrift av skogsvirke til energiflis 

Elles er det kommunen som gjer vedtaka.

Du kan klage på vedtaket innan ein frist på tre veker frå du mottok vedtaket. Klaga sender du til den instansen som har gjort vedtaket. I klaga skal du føre opp kva du ønskjer endra i vedtaket og grunngje det. Klageinstans er Fylkesmannen for vedtak gjort av kommunen og Statens landbruksforvaltning for vedtak gjort av Fylkesmannen. Før klaga blir sendt dit, skal den instansen i kommunen som gjorde vedtaket, vurdere om det er grunn til å endre det.