Austebygd barnehage ligg på austsida av øya Radøy. Barnehagen sitt naturlege dekningsområde strekkjer seg frå Sletta i sør til Mjøs og Straume i nord.

Barnehagen har éi avdeling, med born i alderen 3-5 år. Opningstidene er måndag til fredag 07.30-16.30.

Austebygd barnehage flytta i 1998 inn i nye, trivelege lokale ved Austebygd skule. I det nye barnehagebygget finn me også gymnastikksal og eit stort, fint kjøkken, som vert nytta både av barnehagen og som skulekjøkken. Frå 1998 har Austebygd skule og Austebygd barnehage hatt felles administrasjon, slik at rektor også er styrar i barnehagen. Med så tett tilknyting, både fysisk og administrativt, legg skulen og barnehagen vekt på å ha eit nært og godt samarbeid gjennom heile året, m.a. med ein heil del felles aktivitetar og opplevingar.

Uteområdet ved skulen og barnehagen er rusta opp, og borna har eit flott utemiljø å leika seg på. Barnehagen har også gode turområde i nærmiljøet, både i skog og mark.