Radøy kommune gjev ut gards- og ættesoga Radøy gjennom tidene. Dette bokverket er ei soge med vekt på det historiske stoffet. Her finn du både slekter og historiske fakta, og mange godbitar og interessante glimt frå farne tider.

Det er planlagt fem bind. Det første bindet kom ut i desember 2006, og dekkjer gardsnr. 14 Soltveit - gardsnr. 26 Listveiten. Om dette bindet skriv førsteamanuensis Vidar Haslum i ei bokmelding i heimen mellom anna:

"Det første vi legger merke til med Radøy-boka, er den uvanlig store grafiske påkostning som her er lagt ned. Men de mange praktfulle fargeillustrasjonene er så visst ikke bare utnyttet i estetisk øyemed. Hos forfatteren Anders Haugland blir illustrasjonene en viktig del av den berettende helheten. Ellers er det først og fremst i en nøye gjennomtenkt syntese av eiendomshistorie og økonomisk historie at den større sammenhengen blir til. Anders Haugland er en glimrende forteller med reflektert overblikk, stamstundes som han har et reflektert overblikk for nærmiljøets mangfold av hendelser og små ting. "Radøy gjennom tidene bind 1" er et imponerende verk på mange vis. Her er det mye for andre å lære."

Bind 2 vart lansert 10. november 2008, og dekkjer gardane frå gardsnr. 27 Kvalheim øvre til gardsnr. 41 Børkjeland. Dei neste binda skal vera ferdige innan 2014. Forfattar er Anders Haugland, som er lektor med hovudfag i historie. Anders Haugland er frå Ølen i Rogaland, men ættar frå Radøy.

Bygdeboka kan kjøpast hjå lokale bokhandlarar i Nordhordland og Bergen, eller på Sørvistorget i Radøy kommune. Pris pr. bind er 500 kroner.

Bind 3 er planlagt utgjeve hausten 2010. Den skal etter planen ha med resten av gardane i gamle Manger kommune, dvs. frå og med gnr. 42 Floen til og med gnr. 62 Kolås.