Det øvste styringsorganet i kommunen er kommunestyret, som vert leia av ordføraren. Kommunestyret i Radøy kommune har 25 representantar. Sju av desse sit i tillegg i formannskapet, som mellom anna fører tilsyn med kommuneforvaltninga og førebur saker for kommunestyret. Formannskapet avgjer også ei rekkje saker på eiga hand. I Radøy kommune fungerer formannskapet i tillegg som kulturstyre og valstyre. Radøy kommune har i tillegg eitt hovudutval for saker relatert til plan, landbruk og teknisk.