Formannskapslovene, som vart gjort gjeldane frå 1. januar 1838, innførte folkevalde styringsorgan både i fylka (amta) og kommunane (formannskapa). Eitt av dei viktigaste prisippa i formannskapslovene, var at kommunane i størst mogleg grad skal ta avgjerdsler i sakar som gjeld dei sjølve.

I dag vert dei fleste kommunar styrte av eit kommunestyre, som velgjer ein ordførar.  Ordføraren er ofte frå det største partiet i kommunestyret, men kan også vera frå eit mindre parti, avhengig av partipolitiske konstellasjonar og avtalar partia i mellom. Vel 1/4 av medlemmane i kommunestyret er også i formannskapet. Formannskapet fører tilsyn med kommuneforvaltninga, førebur saker for kommunestyret og avgjer også ei rekkje saker på eiga hand.

I Radøy kommune fungerer formannskapet mellom anna som kulturstyre og valstyre. Dei folkevalgde sit også i politiske råd og utval. I Radøy kommune er det eitt utval som består utelukkande av representantar frå kommunestyret. Dette er hovudutvalet for plan, landbruk og tekniske tenester.

Les Reglement for kommunestyret