Skageneset er eit tidlegare småbruk som vart sikra som offentleg friluftsområde i 1982. Bergen og Omland Friluftsråd eig og forvaltar eigedomen, som er på 50 daa og omfattar våningshus, uthus, jordkjellar, naust og kai. Her er gamal innmark, granskog, spreidd småskog og strandline med svaberg. Ytst på neset er det ein grunn poll med sandbotn som høver godt til bading.

Frå fristad for flyktningar til friområde for alle
I krigsåra spela Skageneset ei viktig rolle for motstandsrørsla. Ei enkje med tre born budde her då. Ein lokal kontakt for heimefronten som kjende til Skageneset og visste at garden låg avsides til, fekk overtala enkja til å vera med å gøyma flyktningar som skulle vidare over Nordsjøen. Ei av døtrene på Skageneset Ingeborg Skagenes har skildra korleis familien opplevde krigsåra. Ingeborg Skagenes vart seinare heidra med deltakarmedaljen for innsatsen under krigen.

Les skildringa her

Brosjyre frå Bergen og omland friluftsråd

Kart frå Bergen og omland friluftsråd